Lectura... na rúa! e pícnic saudable

Premer na imaxe para acceder á galería de fotos

Un curso máis, celebramos o Día do Libro saíndo á rúa e este curso, en relación co PDI que nos ocupa, o alumnado elaborou diversas receitas para as merendas saudables: espetos e batidos de froita, zume de tomate, galletas de avea, vasiños de froita e noces...

A lectura na rúa e o pícnic saudable foron protagonistas da conmemoración neste noso Mes das Letras 2024. Tod@s exerceron o seu dereito a ler en calquera sitio e a gozar de merendas saudables.

Feliz Día do Libro, todos os días do ano e.. que aproveite!

Encontro con Eva Mejuto: "O día que choveron gatos"

Damos continuidade ao noso Mes das Letras 2024 co encontro entre o alumnado de 6º de primaria e a autora Eva Mejuto, facilitado pola editorial Xerais.

O título do Plan Lector Anual da aula de 6º de primaria, "O día que choveron gatos", motivou o encontro para coñecer, en persoa, a escritora do libro. Ao tempo, Eva respondeu a todas as preguntas en relación co libro e con moitos outros títulos escritos pola autora, así como a súa traxectoria vital e literaria.

Premer na imaxe para acceder á galería de fotos

Agradecemos a Eva a súa dispoñibilidade e amabilidade, o alumnado quedou encantado de coñecela e presentarlle as súas creacións artísticas ao redor do libro.

O alumnado de 6º espera unha segunda parte do libro, mais Eva puido levar un borrador da mesma escrito por Alejandro García para a exposición de aula.

Estaremos atent@s a próximas publicacións da autora.

Punto Laranxa e "Pasando a Bóla"

Premer na imaxe para acceder á galería de fotos

Chegou a todos os colexios públicos de Galicia o Punto Laranxa contro o acoso e o ciberacoso escolar. Un punto físico para deixar no seu buzón mensaxes escritas ao redor de situacións de acoso propias ou que se perciban en terceiros. Un punto tamén virtual, a disposición na web do noso colexio.

O alumnado de 6º de primaria foi o encargado de inFORMAR ao resto de alumnado, mesmo creando un cartel moi ilustrativo para o Punto Laranxa do noso cole.

Ao tempo, grazas ao Consorcio Editorial, iniciamos o noso Mes das Letras 2024 coa actividade cultural de A Xanela do Maxín: Pasando a Bóla para o alumnado de 2º e 3º ciclo de primaria e inspirada no título de Celtia Figueiras "A Banda dos Insectos. Pasando a Bóla" que David nos entregou en doazón.

Premer na imaxe para acceder á galería de fotos

Unha representación teatral, dirixida por David, na que o alumnado desenvolveu un papel activo, protagonizando diversas escenas de acoso nas que o público participa aportando posibles solucións ás situacións representadas.

No seguinte vídeo podedes visualizar como a Roncolla realiza unha das súas reflexións finais de cada escena ao redor do termo "chivato" e como @s nen@s voluntari@s len, a modo de peche da actuación, os diversos dereitos aportados por David, que tamén alude aos deberes de tod@s.

Dereitos e deberes para desenvolver unha convivencia respectuosa e pacífica na que TOD@S contamos moito e temos moito que contar, pola nosa saúde e benestar persoal e social.

Proposta de actividades_3º trimestre

3ºT_Actividades 2023-24

Leer más publicaciones en Calaméo

Presentamos a proposta de actividades para a recta final de curso. Unha proposta que acolle o noso Mes das Letras e o Día do Medio Ambiente, entre outros, con actividades diversas: lectura activa, encontros, visitas, creatividade, reciclaxe e moito máis.

Un trimestre para valorar, concienciar, divulgar...

Leo le... NOVIDADES!_2º e 3º trimestre

 

Premer na imaxe para acceder á galería de fotos

Presentamos os libros que ocuparon o expositor Leo le... NOVIDADES!, ao longo do 2º trimestre e inicio do presente 3º trimestre.

Celebramos o Día do Libro Infantil 2024 coas novas adquisicións que xa catalogamos e viaxan ás aulas, aos domicilios... para gozar da lectura, hoxe, e todos os días do ano.

A seguir lendo... crecendo!

Formación Biblio Creativa: E-textiles

O alumnado de 6º de primaria desenvolveu a formación de Biblio Creativa da man de Cati e Flor de Maker Store (Carballo).

Os e-textiles foron o contido protagonista: tecidos que inclúen compoñentes electrónicos como baterías, LEDs, sensores...

Nen@s desenvolvendo as súas habilidades creativas, artísticas e pensamento computacional, habilidades do século XXI.

Premer na imaxe para acceder á galería de fotos

Unha vez máis, Cati e Flor primaron o proceso sobre o produto final, un proceso altamente creativo e de autocoñecemento.

Un fin de trimestre entre fíos condutivos, LEDs e... creatividade!

Formación Biblio Creativa: programando!

Pechamos o 2º trimestre coa formación de Biblioteca Creativa impartida, por Cati e Flor de Maker Store (Carballo), ao alumnado de 1º ciclo de primaria.

Premer na imaxe para acceder á galería de fotos

Unha xornada na que desenvolveron a programación por bloques mediante a ferramenta Scratch Junior, a cal se pode acceder premendo no seguinte enlace:

SCRATCH JUNIOR

Ao tempo, achegamos enlace ao recurso recollido na nosa páxina "Recursos dixitais" para saber máis:

• Scratch Jr: aprendiendo a programar y programando para aprender

Agradecemos a Cati e Flor o seu bo facer, nen@s disfrutaron da sesión aprendendo a programar, ademais de aprender a organizar o seu pensamento, a resolver problemas, a ser creativ@s...

Continuará...

Día da Poesía: Ramón Romero Nogueira

No día de hoxe, Día da Poesía 2024, o alumnado de infantil e 1º ciclo de primaria mantiveron un encontro dixital con Ramón Romero Nogueira, autor do exemplar "A abelliña que perdeu as ás" e que adquirimos no 1º trimestre con dedicatoria incluída do autor.

Un encontro no que Ramón nos contou que, este seu primeiro libro, foi un relato que escribiu cando era neno e co tempo foi mellorando, ata a súa publicación. Ao tempo, presentounos á abelliña e aos animais da fraga que a acompañan, mediante as ilustracións de Uxía Pin.

Premer na imaxe para acceder á galería de fotos

Un texto poético protagonizado por unha abelliña que percorre a fraga na busca de..., recomendamos a súa lectura polo fermoso texto rimado, as coloridas ilustracións e... un final inesperado!

Grazas infindas a Ramón pola súa dispoñibilidade e amabilidade.

Feliz Día da Poesía, hoxe e todos os días do ano!

 

Semana da Muller 2024: entrevistas fantásticas

SEMANA DA MULLER 2024 de bibliotecamilladoiro

Presentamos os produtos finais de cada grupo-clase en relación coa Semana da Muller 2024 e o PDI que nos ocupa. Premendo na imaxe-presentación de cada aula accederedes á publicación que realizaron no blog de ciclo.

Ao longo da semana, todos os grupos presentan na biblio a súa entrevista fantástica, gravada en Radio Balea e co apoio documental dos exemplares a disposición na exposición temporal Leo le... 8M!, para conmemorar o Día da Muller 2024.

Ao tempo, achegamos o enlace ao álbum de fotos das presentacións realizadas na biblio para o resto de compañeir@s e profesorado, álbum que se irá incrementando ao longo da semana. Premer na seguinte imaxe:

Unha vez máis, felicitar a tod@s polo fantástico traballo de investigación, comunicación e presentación final ao redor de Mulleres pioneiras en moitos campos,

MULLERES QUE ABRIRON CAMIÑOS!

Semana da Prensa: encontro con Abraham Carreiro

O alumnado de 5º e 6º de primaria mantivo un encontro dixital con Abraham Carreiro, director e editor do xornal da xente miúda: O Papagaio.

Un encontro que lles permitiu coñecer, de primeira man, a evolución do xornal desde a súa primeira publicación no ano 2016. Ao tempo, Abraham interesouse por Leo, a nosa serea lectora, e ilustrou, paso a paso, O Papagaio saudando a Leo; así como animou a nen@s a ilustrar o seu propio papagaio. Premendo na imaxe accederedes ao álbum de fotos da xornada.

Agradecemos o bo facer e a amabilidade de Abraham Carreiro e esperamos contar cada curso coa súa colaboracion para seguir divulgando, dinamizando o xornal da xente miúda: O Papagaio.

Formación Radio na Biblio: contar contos... na radio!

Un curso máis, o alumnado de 5º de primaria desenvolveu a formación de Radio na Biblio. Este curso adicada á mellora da Competencia en Comunicación Lingüística con Soledad Felloza.

As técnicas vocais, a expresión oral, a entoación..., entre outros aspectos, foron tratados ao longo da xornada lectiva; así como a lectura de diversos exemplares a disposición na nosa biblio: Animais de compañía ou Animalario de ler a diario. Premendo na seguinte imaxe accederedes ao álbum de fotos da xornada.

Un pracer contar con profesionais como Soledad para a formación do noso alumnado.

FAMILIAS inFORMÁNDOSE: novas tecnoloxías e redes sociais

O vindeiro luns 11 de marzo de 16 a 18 horas, na nosa biblio, contaremos coa Asociación Vieiro de Carballo para seguir informándonos, formándonos.

As novas tecnoloxías e as redes sociais serán os contidos a tratar: o seu uso e como ensinar/previr os seus riscos.

Seguimos crendo na información como fonte de formación continua, de aprendizaxe ao longo da vida e no imprescindible papel das familias como primeira escola: inFORMÁNDONOS en comunidade.

Día de Rosalía de Castro: caligramas naturais

Caligramas naturais_Rosalía de Castro 2024

Leer más publicaciones en Calaméo

Conmemoramos o Día de Rosalía de Castro atendendo a proposta de actividades en relación co PDI que nos ocupa e a exposición AS NOSAS LETRAS! adicada a Rosalía de Castro.

Cada grupo-clase creou o seu caligrama natural partindo do libro "O herbario de Rosalía" de María López, editado pola Fundación Rosalía de Castro. Un exemplar que nos permitiu unir á natureza coa literatura, coa escrita rosaliana, realizando produtos finais coa técnica colaxe. Premendo na seguinte imaxe accederedes ao álbum de fotos da actividade.

Feliz Día de Rosalía, hoxe e todos os días do ano.

Entroido... saudable!

Un Entroido de contacto coa natureza e hábitos saudables, un entroido de... saúde e benestar!

Premendo nos seguintes enlaces accederedes ao álbum de fotos e ao desfile final:

• Álbum de fotos da xornada

• Desfile final: entroido saudable

Parabéns a tod@s, un entroido moi, moi san!

Día Mundial da Radio 2024

 

No presente curso iniciamos a denominada ¨Semana da Radio¨ que consistiu nunha rolda de entrevistas a distintos membros da comunidade educativa que colaboraron na elaboración dun podcast co gallo do Día Mundial da Radio (13 de febreiro). Este sinalado día cadrou este ano co martes de entroido, por isto, dende Ponte...Nas Ondas! propuxeron a elaboración dun podcast que xirase arredor do entroido, facendo así unha dobre homenaxe.

Comezamos os preparativos convidando a Alberto Ordóñez, que veu darnos unha charla sobre o xornalismo, sendo posteriormente entrevistado no noso estudio polo alumnado de 6º de Educación Primaria. 

Despois desta entrevista, visitáronnos diversas persoas que de maneira directa ou indirecta participan ou participaron no entroido malpicán. Todas as visitas foron entrevistadas en Radio Balea polo alumnado de 5º de Educación Primaria. 

O primeiro día, Charo Lema tratou o entroido de Cerqueda (Madamitos e ghuardineros), o segundo día Roberto Pardo contounos en qué consiste o Enterro de Faustino e por último, Suso do Becho compartiu as súas lembranzas sobre o extinto Xogo das vacas.

Compartimos as entrevistas realizadas polo alumnado do terceiro ciclo:

• Entrevista a Alberto Ordóñez: O xornalismo e a radio

• Entrevista a Charo Lema: Madamitos e ghuardineros

• Entrevista a Roberto Pardo: O Faustino

• Entrevista a Suso do Becho: Xogo das vacas

O podcast resultante é unha recompilación dos momentos máis interesantes destas entrevistas e que axudan a amosar e entender en que consiste o variado, único e orixinal entroido malpicán. Premendo no seguinte enlace accederedes ao mesmo, publicado en Escolas nas Ondas:

ENTROIDO MALPICÁN

Só nos queda desexarvos, a todas e todos, un...

 FELIZ DÍA MUNDIAL DA RADIO!!

Día da Paz: acrósticos pacíficos

Acrósticos pacíficos_2023-24

Leer más publicaciones en Calaméo

Hoxe, celebramos o Día Escolar da Non Violencia e a Paz na nosa biblio: lecturas dos acrósticos pacíficos creados a partir da lectura activa dun exemplar seleccionado por cada aula da exposición Leo le... PAZ!

Premer na imaxe para acceder á galería de fotos

Esta actividade, de animación á lectura/escritura e derivada da proposta trimestral do noso PDI, permitiu o tratamento de valores, emocións, sentimentos... a prol da convivencia e do benestar persoal e social.

Felicitar, coma sempre, a tod@s polas producións propias que xa forman parte do mural do cole.

Xornada Portas Abertas 2024

Xornada Portas Abertas 2024_CEIP Milladoiro.Malpica

Un curso máis, abrimos as portas do CEIP Milladoiro para recibir a nen@s e familias que queiran formar parte da nosa comunidade educativa o vindeiro curso 2024-25.

A visita para coñecer o centro e as súas instalacións está programada para o luns 26 de febreiro a partir das 16:30 horas, sen necesidade de concertar cita previa.

Na imaxe podedes acceder a máis información, do que somos e facemos no Milladoiro, premendo nos textos sinalizados coa icona dunha man interactiva.

Calquera dúbida, contactade mediante o teléfono ou o correo que aparece na imaxe.

Seguimos colonizando espazos: Aula de Arte!

Aula de Arte_BE-LeoLab Milladoiro.Malpica de bibliotecamilladoiro

Exposición PDI_2º trimestre

Premer na imaxe para acceder á galería de fotos

Achegamos, en imaxes, a exposición do 2º trimestre que acolle exemplares diversos para realizar lecturas compartidas en relación coa proposta de actividades trimestral.

Diversidade lectora para chegar ao coñecemento, para explorar temáticas varias: emocións, valores, identidade, igualdade, diversidade...

Un trimestre lector para tod@s!

Xornada "Boas Prácticas" no CEIP Milladoiro

BE-LeoLab Milladoiro de Fátima Romero Olveira

 Achegamos a presentación que desenvolvemos o pasado luns 15 de xaneiro, en horario de tarde, na "Xornada de Boas Prácticas" promovida polo CFR (Centro de Formación e Recursos) de A Coruña, desde o seu centro comarcal de Vimianzo, no noso centro.

Unha tarde entre compañeir@s para seguir formándonos e mellorando a educación que se oferta nas nosas escolas, rurais e galegas. De 20 centros convidados asistiron máis de 30 compañeir@s que ocupan cargos directivos e/ou coordinan o programa "Polos Creativos", centros cercanos e lonxanos, polo que agradecemos o súa asistencia, fóra de horario lectivo, para compartir experiencias docentes.

Ao tempo, agradecemos ao CFR a organización da xornada e o seu interese por divulgar o que somos e facemos na nosa "escola bibliotecaria": unha biblioteca creativa, inclusiva, aberta e ubicua ao servizo do currículo e da comunidade.

Ademais da difusión na nosa bitácora, tamén foi recollido por La Voz de Galicia na sección comarcal. Premendo no seguinte enlace accederedes á nova:

• "Un modelo para aprender a enseñar" (nova de La Voz de Galicia, sección Carballo do 16-01-2024)

Seguimos crendo que outras realidades educativas son posibles, non só dotando aos centros con recursos creativos, se non cambiando a visión e contando coas imprescindibles bibliotecas escolares como espazos creativos e de aprendizaxe, como motores de innovación, en todos os centros; transitando a metodoloxías activas nas que @s nen@s sexan protagonistas das súas aprendizaxes. Situacións de aprendizaxe para tod@s, que nos permiten seguir investigando, experimentando, construíndonos, emocionándonos, curso tras curso, aprendendo dos nosos erros e apoiándonos nas nosas fortalezas: 

                     aprendizaxes... de vida e para a vida!

Se a nosa experiencia educativa é válida para que outras comunidades inicien a trans-formación (transdisciplinariedade, transversalidade, formación de calidade e continua) cara unha educación de calidade, inclusiva e equitativa, pagou a pena, xa que cremos que compartir, enriquécenos.